Unha aplicación móbil permite contactar con salvamento nas praias coruñesas
CEUS APP introduce unha nova vía de comunicación directa entre bañistas e servizos de salvamento nas praias da Coruña.
Máis socorristas, máis limpeza e máis rapidez de asistencia en caso de emerxencia na praia. Nunhas horas comeza a tempada nos areais da Coruña.
Este ano hai unha novidade que chega desde o teléfono móbil para axilizar a comunicación entre os servizos de salvamento e os bañistas.
Botón de aviso directo a salvamento
A aplicación foi idea dun socorrista coruñés e conta cun botón do pánico que permite facer contacto rápido con salvamento.
O sistema marca o lugar exacto da incidencia, facilitando que os profesionais poidan coñecer a localización e actuar con maior rapidez.
Segundo contou o propio creador da APP, polo momento non hai unha aplicación destas características a nivel internacional.
Para esta tempada xa funcionarán as duchas, os accesos serán menos dos habituais, non haberá control de aforos e os bañistas recibirán unha bolsa para depositar o lixo.
Fonte: TV Galicia