Como novidade, A Coruña será unha das primeiras cidades do mundo en que se poderá contactar de forma directa con algunha das 32 persoas que conforman o servizo de salvamento por medio dunha nova aplicación móbil

O Concello porá ao dispor da cidadanía unha aplicación móbil Ceus, gratuíta e que permitirá contactar directamente co servizo de salvamento, que poderá xeolocalizar no momento calquera emerxencia.

O concelleiro de Seguridade Cidadá, Juan Ignacio Borrego, destacou que A Coruña será unha das primeiras cidades do mundo en ofrecer este servizo tan completo xa que a aplicación dará conta tamén das correntes e a cor das bandeiras que indican a perigosidade do baño, do índice de raios UVA, das condicións meteorolóxicas en tempo real e mais dos avisos que dean as/os socorristas en cada areal. Así mesmo, lembrará como se realizan as técnicas de primeiros auxilios.